नाशिक : नाशिकच्या सिन्नर-शिर्डी महामार्गावर भीषण अपघात झाल्याची घटना घडली. नाशिक-सिन्नर शिर्डी मार्गावरुन जात असताना पाथरेजवळ बस आणि ट्रकची धडक होऊन हा अपघात झाला. अपघातात बस मधील १० प्रवाश्यांचा मृत्यू झाला तर २० हून अधिक जण जखमी झाले आहेत. ट्रक आणि ट्रॅव्हल्सची समोरासमोर धडक झाल्याने हा मोठा अपघात घडला.
या अपघातात बस आणि ट्रकचा चक्काचूर झाल्याचं दिसून येतंय. मुंबईहुन शिर्डीकडे जाणारी बस आणि शिर्डीकडून सिन्नरला जाणाऱ्या ट्रकची समोरासमोर धडक झाल्याने हा अपघात झाला आहे. पंतप्रधान नरेंद्र मोदी यांनी मृतांना 2 लाखांची तर मुख्यमंत्री एकनाथ शिंदे यांनी 5 लाखांची मदत जाहिर केली आहे.
