शिरपूर पासून काही किलोमीटर अंतरावर असलेल्या मध्य प्रदेश व महाराष्ट्राच्या सीमा वरती भागात बिजासन घाटामध्ये मोठा अपघात झाला. मध्यप्रदेश परिवहन महामंडळाच्या बसला ट्रकने मागून जोरदार धडक दिल्याने दोन जण जागीच ठार झाले असून जवळपास 30 हून अधिक जन जखमी झालेत.
या अपघातानंतर संबंधित ट्रक देखील पलटी झाल्याने ट्रक चालक व वाहक देखील गंभीर जखमी झाले आहेत, या सर्व जखमींना शासकीय रुग्णालयामध्ये उपचारासाठी तात्काळ दाखल करण्यात आले. रस्त्यावर सध्या अपघातग्रस्त ट्रक व बस उभे असल्याने मोठ्या प्रमाणात वाहतूक कोंडी झाली. माहिती मिळाल्यानंतर काही वेळात पोलीस अधिकारी फौज फाट्यासह घटनास्थळी दाखलहोऊन त्यांनी रहदारी सुरळीत केली.
