धुळे : (२४ जुलै) येथील जयहिंद हायस्कूल, धुळे येथे शिक्षण सप्ताहातील एक दिवस हा क्रीडा दिवस म्हणून प्रत्यक्ष जयहिंद जलतरण तलाव स्थळी कृतीमधून साजरा करण्यात आला.
या प्रसंगी विद्यालयाचे प्राचार्य श्री. एस्. व्ही. बैसाणे, उपमुख्याध्यापक श्री. एस्. डी. मोरे यांच्या प्रमुख उपस्थितीत क्रीडा संचालक श्री. डी. व्ही. निकम यांनी श्री. वाय. एस्. चव्हाण व श्री. प्रितम साळुंके यांच्या सहकार्याने उत्कृष्ट संयोजन केले. क्रीडा दिनाचे औचित्य साधून विद्यार्थ्यांनी जलतरण स्पर्धांमध्ये सहभाग नोंदवून आनंद घेतला. सदर शिक्षण सप्ताह निमित्ताने विद्यार्थ्यांसाठी विविध कार्यक्रमांचे आयोजन करण्यात येत आहे, त्याबद्दल जयहिंद शिक्षण संस्थेचे अध्यक्ष श्री. विजय पितांबर पाटील, उपाध्यक्ष श्री. चंद्रशेखर पाटील, मानद सचिव श्री. शरद बच्छाव व सर्व संचालक मंडळ यांनी कौतुक केले आहे.
‘शिक्षण सप्ताह’ निमित्ताने “जयहिंद” मध्ये कृतीमधून क्रीडा दिवस साजरा
